waqt ke sahare
hum badh rahe the
waqt ne saath chhoda
oos mod pe jahan
tum khade the
waqt mere liye
thahar gaya tha mano
nahi,
thahra dekh waqt
ne haath samet liya tha
par ye kya
mujhe oosi mod pe
chhod tum waqt
ke saath chal diye
ab naa to waqt ka saath
aur naa tumhara haath
ees thahare mukam par
kuch baaki raha saath
to woh hai intezaar
suna hai hamne
ye zameen ghoomti hai
hum jaise logo ko
ek aas dilaye hue
mujhe yakeen hai
tum hame pahchan loge
hum oosi mod pe
sajaaye baithe hai
tumhari di hui
chehre par apne
woh pahli muskaan
5 Comment(s)
